 |
|
Søk
| Fylke: | |
| Kategori: | |
|
| |
| >> Detaljert søk... | |
Kulturminner i kommunene
Kartsøk
Søk på postnr eller stedsnavn
Kvam herad
Kvam herad (8 300 innb.) ligg på nord– og vestsida av Hardangerfjorden i Hordaland fylke. Fjellstrand as, som byggjer hurtiggåande aluminiumsbåtar, er ein stor arbeidsplass for Kvam. Ålvik var elles ein viktig industriplass. Elkem har nå lagt ned drifta her. Jordbruk og møbelindustri er eksempel på andre næringar. Fjordlandskapet og Kvamskogen er viktige reisemål i heradet. Nestunet, Hardanger Fartøyvernsenter – Mathilde og Sandven Hotel har Norsk Kulturarvs kvalitetsmerke Olavsrosa.
Hardanger Fartøyvernsenter og Mathilde | ||
 | Eit besøk ved Hardanger fartøyvernsenter gjev eit innblikk inn i sterk maritim historie. Senteret legg vekt på at ein får prøvd eigne ferdigheiter. Her er små verkstader der ein sjølv får prøvd seg som reipslagar eller båtbyggjar. Ei aktivitetsløype utfordrar sansane. Det heile starta i 1984, ein gjeng entusiastar kjøpte jakta "Mathilde", som da var på tvangsauksjon. Dei gjekk i gang med eit formidabelt restaureringsarbeid på den 100 år gamle "dama". Dette vart starten på Hardanger Fartøyvernsenter, som i dag er eit levande museumsverft og eit nasjonalt kompetansesenter for fartøyvern. Ved ei omvising på senteret kan du sjå restaurering av gamle trefartøy, småbåtbygging, reipslaging og smiarbeid utført av engasjerte handverkarar, og du får oppleva fartøyhistoria gjennom utstillingar og biletspel. Du kan laga ditt eige tau på Vesle reiparbana, laga båt i Vesle småbåtverkstaden, gå sporløypa med aktivitetar, høyra oppstart av semi-diesel eller ro ein tur på fjorden med tradisjonelle robåtar. Hardanger kystlei tilbyr utleige av robåtar over fleire dagar. Senteret tilbyr fisketurar med hardangerkutteren Vikingen, og kortare eller lengre seglingstokt med hardangerjakta Mathilde. | |
| Les meir... | ||
Nestunet | ||
 | Fram til jordskiftet i 1912 var Nes eit typisk eksempel på eit lite vestlandsk klyngetun der to gardar, Oppistovo og Nistovo, hadde husa samla. Etter utskiftinga vart det bygd eit nytt tun, men fire hus frå det som i dag er Nestunet, vart selt og flytta til Oslo i 1921. Røykstova, eldhuset, bualoftet og eit stabbur har sidan 1948 utgjort ein del av Vestlandstunet på Norsk Folkemuseum på Bygdøy. Dagens drivarar på Nestunet har lagt ned mykje arbeid i å setja i stand dei gamle husa som sto att på Nes. Strandsitjarstove, gamleløa, eldhus og stabbur, alle frå 1700- og 1800-talet, er restaurert. "Idnestova", som er ei typisk vestlandsk lemstove frå 1863, er flytta til tunet i seinare tid. Huset er totalrestaurert og innreidd som to husvære. Her er detaljar frå før huset vart flytta tekne veldig godt vare på, og gjestane får bu i utleigehusvære av høg standard med sjølvhushaldning. Til og med det gamle geithuset som sannsynlegvis er frå 1700-talet, er sett i stand og innreidd til eit mindre utleigehusvære. Heile tunet og kulturlandskapet framstår som gjestmildt og innbyr til opplevingar for gjestene, anten på eiga hand eller saman med vertskapet. 200 m frå tunet er det naust, brygge, båt og eigen badeplass. | |
| Les meir... | ||
Sandven Hotel | ||
 | Hotellet, Sjøhuset og Tingstova er tuftet på etableringsløyve fra Kong Oscar I fra 20. mai 1857. Hotellet fylte dermed 150 år i 2007. Dagens hotell er oppført i sveitser-dragestil i 1898 og ligger som en hvit svane ned mot Hardangerfjorden. Her finner du et deilig, stort grøntområde med to enorme 100 år gamle hengebjørker - som skaper den perfekte kulisse mot Hardangerfjorden og Folgefonna. Innvendig er hotellet dekorert med klassiske, nasjonale og europeiske antikviteter, fint tilpasset den gylne reiselivsepoken fra slutten av 1800-tallet. Rommene er renovert i klassisk stil, de fleste bad har varmekabler. Spesielt gode madrasser kjennetegner rommene. Siden Sandven også er et kurshotell, er rommene utstyrt med fjernsyn. I øyeblikket har hotellet to norske kanaler, i tillegg til CNN og Discovery. Hotellet har også 3 leiligheter for selvstell. "Fjordrafting" med Øystese Adventure. Kjøring til Rosendal, f.eks., ca 1 time, inntil 12 passasjerer. 5 stk kano for utleie om du vil trimme og nyte stillheten på fjorden. Vi satser i den grad det er mulig på å bruke mest lokal mat og økologiske produkter fra småskalaprodusenter i Hardanger. Kjøkkensjefen drømmer om egen urtehage! | |
| Les meir... | ||
Gamlastovo Gardsrestaurant | ||
 | Gamlastovo ligg i eit vakkert kulturlandskap og eit særmerkt bygningsmiljø. På garden er det restaurant med underhaldning, kjøtverkstad med gardsutsal, konferanselokale, siderkjellar og fruktforedling. Gamlastovo Gardsrestaurant innbyd til mat- og kulturopplevingar utanom det vanlege. Me tek imot gjester i den koselege tømmerstova frå 1810 med interiør laga av lokale handverkarar. I programmet kan det inngå ei kulturell vandring til Døse - ei gamal steinalderhole der det vert tonefølje av gamle hardingfeleslåttar. Velkomen! | |
| Les meir... | ||
Ingebrigt Vik museum | ||
 | Ingebrigt Vik Museum inneheld mest alle arbeida etter bilethoggaren Ingebrigt Vik (1867-1927). Vik er rekna som ein av dei store bilethoggarane innan norsk bilethoggarkunst, ei følsam gjennomarbeida form er i særlig grad styrken i hans kunst. Han vaks opp i Øystese og starta som treskjerar i møbelverkstaden til faren, og han tok si utdanning som kunstnar i København og Paris. Samlinga til museet er utstilt i ein intim, åttekanta bygning i sentrum av Øystese. Nokre av dei beste arbeida hans er utstilt i Nasjonalgalleriet. | |
| Les meir... | ||
Partnere
Lenker