Utvalde kulturlandskap i jordbruket

Spellmovollen, Vangrøftdalen. Foto: Yngve Rekdal

Av Mathias Øvsteng, Norsk Kulturarv

Berggrunn, topografi og klima er svært vekslande frå nord til sør og frå aust til vest i landet vårt. Dette har gitt grunnlag for kulturelle særpreg og store variasjonar i jordbruksdrifta, noko som har ført til eit mangfald av kulturhistoriske og biologiske verdiar.

Eit levande jordbrukslandskap med busetnad, dyrking, slåtteland og beitedyr er representerer viktige fellesverdiar for oss alle, anten vi er fastbuande eller turistar.

Over heile landet er kulturlandskap haldne i hevd og forvalta av aktive og entusiastiske enkeltmenneske. Strukturendringar og nye økonomiske krav i jordbruket har utfordra denne skjøtselen på fleire vis, og det er viktigare enn nokon gong å vera klar over verdiane eit levande kulturlandskapet representerer.

I 2009 valde Landbruks– og matdepartementet og Miljøverndepartementet ut 20 område som skal representere kulturlandskap i jordbruket i innlandet, i fjellet, langs kysten og fjorden. Formålet er å sikre langsiktig drift, skjøtsel og vedlikehald, samtidig som områda skal vera tilgjengelege for alle.

Såleis kan dei 20 utvalde kulturlandskapa i jordbruket bli både til oppleving for turisten og stimulans for andre flotte kulturlandskap, som Norge har mange av. Gjennom skjøtsel og formidling ligg det potensial for ny næringsutvikling med grunnlag i aktive kulturlandskap og aktive lokalsamfunn.

Dei 20 utvalde kulturlandskapa er:

Bøensætre med plasser – Aremark, Østfold
Øya–Nordre Eik – Nannestad, Akershus
Nordmarksplasser, Oslo
Vangrøftdalen–Kjurrudalen – Os, Hedmark
Nordherad – Vågå, Oppland
Steinssletta – Hole og Ringerike, Buskerud
Skjærgården øst for Nøtterøy og Tjøme – Vestfold
Jomfruland og Stråholmen – Kragerø, Telemark
Rygnestad og Flateland – Valle, Aust–Agder
Vest–Lista, Farsund – Vest–Agder
Hodne–Vikevåg, Helland–Bø og Førsvoll – Rennesøy, Rogaland
Gjuvslandslia – Kvinnherad, Hordaland
Grinde–Engjasete – Leikanger, Sogn og Fjordane
Hoddevik–Liset – Selje, Sogn og Fjordane
Fjellgardane og seterdalane i Øvre Sunndal – Møre og Romsdal
Seterdalene i Budalen – Midtre Gauldal, Sør–Trøndelag
Skei og Skeisnesset – Leka, Nord–Trøndelag
Engan–Ørnes og Kjelvik – Sørfold, Nordland
Skárfvággi–Skardalen – Gáivuona Suokham⁄Kåfjord, Troms
Makkanes – Vadsø, Finnmark.

Sjå www.utvalgtekulturlandskap.no.